Carles li reis nostre empe magnes
Set anz tuz pleins ad estet en espaigne
Tresquen la mer cunquist la tere altaigne.
Ni ad castel ki devant lui remaigne
Mur ne citet ni est remes a fraindre
Fors sarraguce ki est en une muntaigne.
Li reis marsilie la tient ki deu nen aimet
Mahumet sert e apollin recleimet
Nes poet guarder que mals ne li ateignet.
Li reis marsilie esteit en sarraguce.
Alez en ÷ en un verger suz lumbre
Sur un perrun de marbre bloi se culchet
Envirun lui plus de vint milie humes.
Il en apelet e ses dux e ses cuntes
Oez seignurs quel pecchet nus encumbret
Li empe carles de france dulce
En cest pais nos est venuz cunfundre.
Jo nen ai ost qui bataille li dunne
Ne nai tel gent ki la sue derumpet.
Cunseilez mei cume mi savie hume
Si me guarisez e de mort et de hunte.
Ni ad paien ki un sul mot respundet
Fors blancandrins de castel de valfunde.
(Le Chanson de Roland)
Sem comentários:
Enviar um comentário